பின்னை இளவழுதி கவிதைகள்...: பிரிவு....

எனக்காகவே வளர்ந்தவள் போல
என்னை ஒட்டிய உன் உயரம்
அமைதியாக அலைபாயும் உன்
காந்த கண்கள் !....
நெற்றியின் மத்தியில்
அழகுக்கு அழகு சேர்க்க
அழகாக அமைந்த திருநீறு!...
செதுக்கி வைத்தார்ப்போன்ற
உன் நாசி!..
ரவிவர்மனின் தூரிகையில்
படைக்கபட்டதோ என
வியப்படைய வைக்கும்
உன் உதடுகள் !...
பள்ளாங்குழியினை
ஞாபகப்படுத்தும்
உன் கன்னக்குழி!...
என மொத்தமாக
என்னை கவர்ந்தவளே!...
உன்னுடன் வாழும்
வரம் வேண்டி...
ஒவ்வொரு நொடியும் - நான்
தவமிருக்க....
பந்தங்களின் பாசத்துக்காக
பாவியிவனை
பாதி வழியில்
பரிதவிக்க விட்டு விட்டு
சென்றதேன் கண்ணம்மா?
- வீ, இளவழுதி

எனது ஆசான்

கல்வியை மட்டுமல்லாது - இந்த
சமுதாயத்தையும் உற்றுநோக்கச்செய்த
என்னில் இருந்த திறமைகளை
வெளிக்கொண்டு வந்து
என்னையும் சாதிக்கத் தூண்டிய
எங்களின் கணித ஆசிரியரும்
என் ஆசானுமான திருச்சி
திரு. S.செல்வராசு அவர்களுக்கு
என்றென்றும் என் நன்றிகளை
காணிக்கையாக்குகிறேன்!..

சமர்ப்பணம்...

நான் துவண்டு விழுந்த
நேரங்களில் என் தோள் தூக்கி;
தன் தோள் சாய்த்து;
என்னை வாழ்வின்
பாதைக்கு மீண்டு(ம்) வரச்செய்து..
வாழ வைத்த - வாழ வைக்கும்;
என் உயிரினும் மேலான
என் நண்பர்கள்...
கார்த்தி சோழகர்,
ராஜா மழவராயர் மற்றும்
ராமமூர்த்தி தேவர்
ஆகியோருக்கு
இந்த வலைப்பக்கத்தை
சமர்ப்பிக்கிறேன்.....
-- வீ. இளவழுதி காளிங்கிராயர்

வலைப்பதிவை பற்றி...

என் தமிழர்களே....

சந்தம்.. வெண்பா ... என என் தாய் மொழி கற்றுத்தந்த இலக்கணம் எல்லாம் மறந்து கவிதை என்று நினைத்து கவிஞனில்லாத இவனின் கிறுக்கல்களை உங்களது பார்வைக்கு வைத்துள்ளேன், படியுங்கள்... பிழை இருப்பின் மன்னியுங்கள், தெரியப்படுத்துங்கள், அதுவே என்னை மேலும் மேம்படுத்தும். நன்றி!.

3 comments:

Anonymous said...: I gone thru your site..All the poems are really good and frankly speaking all the poems are Awesome..Keep it up

Regards,
Prabhakaran.c
SPI|Mysore; 10/09/2008 9:30 PM
Anonymous said...: Kavingyar Ila is back, but with more pathos………………….especially in this one……….I can see lot of truth which was hidden so long!
P.Ravikumar; 10/15/2008 11:18 PM
Unknown said...: Romba feel panniiruke poliruku....

Varutha padatha valibar sangathula serthiduda....

Anbudan
Heamchandran; 12/19/2008 3:50 PM