தமிழர் திருநாள் வாழ்த்துக்கள்

ஒட்டு மொத்த குடுபத்தினரும்

ஒருசேர குழுமும் ஒருநாள்

புத்தாடை உடுத்தி - தம்வயலில்

புதிதாய் விளைந்த  அரிசியினால்

தித்திக்கும் கரும்பு துணையிருக்க

திகட்டாத வெல்லத்துடன் - கொத்து

மஞ்சளும் முந்திரியும் திராட்சையும்  

மனம் பரப்ப - விவசாயியின்

அனைத்து விளை பொருளும்

அடுப்படிக்கு வந்து சேர

குடிசை தொழிலை ஊக்குவிக்க

குழைத்த மண்கொண்டு செய்த

புதிய மண்பானையில்- மனமகிழ்ச்சியோடு

புதிதாய் பொங்கும் பொங்கல்...

சூரியனுக்கும் கால்நடைகளுக்கும்
ஊருணிக்கும் ஊருக்கும் - என

எம்தொழிலுக்கு உதவும்

எல்லாருக்கும் நன்றி சொல்லி

ஏற்றமிகு வாழ்வு வாழ்ந்திட - இனியும்

ஏமாறாமல் நம் உரிமை காத்திட
தமிழனாய் ஒன்றுபட்டு சபதமேற்று

தமிழர் திருநாளை  கொண்டாடிட

அனைவருக்கும் வாழ்த்துகள்..